本身想買 一個蒸焗爐,諗住問下店員有冇現貨,店員話冇我想要嘅MODEL之後,SELL咗我買另外一個叫做 ElectriQ 嘅牌子嘅焗爐QSO2128。
本身我都唔想買呢個牌子,聽都冇聽過,雖然價錢真係好平,但咁多隻牌子可以揀,做咩要揀呢隻先?不過個SALES講到呢個牌子响英國好出名咁,又話真係好抵,我個信念一鬆,就揀咗佢。
本身都冇乜嘢,仲有少少開心,諗住執到荀嘢。開頭都一切正常,焗下肉呀蛋糕整返熱啲嘢都冇咩大問題。
點知兩個月後惡夢就開始喇。(講緊兩個月裡面只係用咗唔夠十次)
有日個爐好似唔係好正常,焗到一半發現上面嗰條發熱管咁嘅嘢唔著
本身諗住呢啲機一定有保養啦,諗住打返去鋪頭問點樣維修,點知對方拖得就拖。又話叫我自己打去代理到搞,我跟本一頭霧水,我都揾唔到代理,點問?完全係求助無門。大佬我部機只係用咗幾次,我都係想維修啫,又唔係換個部。但對方收完錢之後就態度完全唔同晒。問乜嘢都冇人理我。
跟住我諗住上網揾下資料啦,睇下有冇咩地方可以整。
唔揾由至可,一揾先知原來呢個咩 ElectriQ 跟本唔係咩大牌子,仲搵到呢條link
https://www.ukwhitegoods.co.uk/help/about-the-appliance-industry/manufacturer-information/4057-electriq-appliances
啲响外國買過嘅網民留言,話 quality 好差,中晒伏。
仲有提到好可能啲機可能都係made in大陸或者土耳奇,完全冇咩售後服務,更加唔好講話想揾代理幫你揾零件維修。
仲有個苦主同我一樣,買咗返去兩個月唔夠線圈就燒咗。真係冇陰公。
講到呢度我真係火都嚟!無啦啦俾人水咗我買部咁嘅嘢,用咗幾次就玩完。完全係貼錢買難受。
我真係覺得好無奈,呢間鋪頭我真係唔會再幫襯!